A Lei 49/2002 de Réxime Fiscal das Entidades non Lucrativas e dos Incentivos Fiscais ao Mecenado, distingue entre as seguintes figuras:

A. DOAZÓNS

Persoas xurídicas. Artigo 20 : “Dedución da cuota do Imposto sobre Sociedades".

1. Os suxeitos pasivos do Imposto sobre Sociedades terán dereito a deducir da cuota íntegra, minorada nas deducións e bonificacións previstas nos capítulos II, III e IV do Título VI da Lei  43/1995, de 27 de decembro, do Imposto sobre Sociedades, o 35 % da base da dedución determinada segundo o disposto no artigo 18. As cantidades correspondentes ao período impositivo non deducidas poderán aplicarse nas liquidacións dos períodos impositivos que conclúan nos 10 anos inmediatos e sucesivos.

2. A base desta dedución non poderá exceder do 10 % da base impoñible do período impositivo.As cantidades que excedan deste límite se poderán aplicar nos períodos impositivos que conclúan nos dez anos inmediatos e sucesivos.”

Concluímos pois, que as entidades que tributan no Imposto sobre Sociedades beneficiaranse realizando doazóns a Fundación VIDE de:

- Un importe máximo a deducir no exercicio do 35 % do valor da doazón.
- A base desta dedución non poderá exceder do 10 % da base impoñible do imposto.
- As cantidades que excedan destes límites, poderán aplicarse nas liquidacións do imposto dos 10 anos seguintes.
- As doazóns rexístranse contablemente como un gasto do exercicio, pero no Imposto sobre Sociedades e a efectos fiscais, non son un gasto deducible, o que leva consigo unha diferenza positiva á hora de liquidar o imposto.

Exemplo práctico:

Temos unha empresa ou entidade que ten unha base impoñible de 200 €, e realiza unha doazón de 10 € á Fundación VIDE, a operación sería a seguinte:

A súa base de dedución estará integrada por 10 € (o valor da doazón) e o doante aplicará o 35% a esta, o que lle dará un importe que pode deducir na cuota de 3,5 €.
 
Independentemente dos axustes que teña que facer na súa base impoñible ou noutras deducións, na súa cuota no Imposto de Sociedades será de 70 €  (200 € x 35% correspondente a porcentaxe no Imposto de Sociedades) da que se deducirá 3,5 €, é dicir, que a súa cuota finalmente será de 70 - 3,5 = 66,5 €.
   
Se a mesma empresa ou entidade superase o límite da base impoñible, é dicir, coa mesma base impoñible de 200 € realiza unha doazón de 25 €, se atopa con que a súa base de dedución é de 25 €, superando o 10% da súa base impoñible, que sería 20 € (10% sobre 200 €). Así, no exercicio actual só poderá deducirse o 35% de 20 €, é dicir 7.
Se a súa base impoñible era de 200 € e lle aplica o 35% polo que tributa, obterá unha cuota de 70 €, á que restará a dedución de 7 €, polo que a cuota se reducirá a 63 €. Sen embargo, os cinco euros que lle quedan por deducirse e que non aplicou neste ano, lle permitirán no exercicio seguinte volver a deducirse o 35% de eses 5 €, tamén cos mesmos límites.

Persoas físicas. Artigo 19: “Dedución da cuota do Imposto sobre a Renda das Persoas Físicas.

1. Os contribuíntes do Imposto sobre a Renda das Persoas Físicas terán dereito a deducir da cuota íntegra o 25 % da base da dedución determinada segundo o disposto no artigo 18.

2. A base desta dedución se computará a efectos do límite previsto no artigo 56, apartado 1, da Lei 40/1998, de 9 de decembro, do Imposto sobre a Renda das Persoas Físicas e outras Normas Tributarias.”

O tratamento fiscal das doazóns á Fundación VIDE que realizan as persoas físicas ou contribuíntes ten  repercusión na súa declaración da renda, da seguinte forma:

- Un importe máximo a deducir no exercicio do 25 % do valor da doazón.
- A base desta dedución non poderá exceder do 10 % da base impoñible do imposto.

Certificación

Para ter dereito a aplicar calquera das deducións anteriores é necesario un certificado de doazón expedido pola Fundación Vigo en Deporte, co fin de que a súa empresa se vexa favorecida dos beneficios fiscais, establecidos por lei.

B. CONVENIO DE COLABORACIÓN EMPRESARIAL

O artigo 25 da Lei 49/2002 regula o réxime aplicable aos convenios de colaboración empresarial en actividades de interese xeral, dispoñendo:

1. Se entenderá por convenio de colaboración empresarial en actividades de interese xeral, aos efectos previstos nesta Lei, aquel polo cal as entidades ás que se refire o artigo 16, a cambio dunha axuda económica para a realización das actividades que efectúen en cumprimento do obxecto ou finalidade específica da entidade, comprometense por escrito a difundir, por calquera medio, a participación do colaborador en ditas actividades.

A difusión da participación do colaborador no marco dos convenios de colaboración definidos neste artigo, non constitúe unha prestación de servizos.

2. As cantidades satisfeitas ou os gastos realizados terán a consideración de gastos deducibles para determinar a base impoñible do Imposto sobre Sociedades da entidade colaboradora ou do Imposto sobre a Renda  de non Residentes dos contribuíntes que operen no territorio español mediante establecemento permanente ou o rendemento neto da actividade económica dos contribuíntes acollidos ao réxime de estimación directa do Imposto sobre a Renda das Persoas Físicas.

3. O réxime fiscal aplicable as cantidades satisfeitas no cumprimento destes convenios de colaboración será incompatible cos demais incentivos fiscais previstos nesta Lei. “

En definitiva, a través dun convenio de colaboración empresarial a Fundación Vigo en Deporte comprometese a difundir a participación do colaborador nas súas actividades a cambio da contraprestación económica que recibe. O primeiro parrafo do artigo 25 se refire, coma posible contraprestación por parte do colaborador, a unha “axuda económica” a favor da entidade e o segundo parrafo fala de “cantidades satisfeitas ou gastos realizados” pola entidade colaboradora.

Ante isto deducimos que no ámbito do convenio de colaboración empresarial, a axuda económica pode instrumentarse, non só monetariamente, senón tamén a través de determinadas retribucións en especie por parte da entidade colaboradora, e dicir, mediante determinadas aportacións non dinerarias ou prestacións de servizos, sempre que se aporten “para a realización das actividades que efectúen en cumprimento do obxecto ou finalidade específica da entidade”.

Os correspondentes gastos realizados pola entidade colaboradora terán a consideración de deducibles tal e coma se recolle no apartado 2 do mesmo artigo. Ditos “gastos realizados” son os efectivamente incorridos pola entidade, sen que teña tal consideración unha posible diminución de ingresos ou unha marxe de beneficios.

Certificación

Para ter dereito a aplicar este epígrafe é necesaria unha xustificación de liberalidade expedida pola Fundación Vigo en Deporte, co fin de que a súa empresa se vexa favorecida dos beneficios fiscais, establecidos por lei.