A duodécima edición do campus polideportivo que organiza a Fundación VIDE co Instituto Municipal dos Deportes e clubs de elite da cidade comezou hoxe coa participación de 200 nenos e nenas de 8 a 14 anos…

E unha edición máis cubriron a cota marcada. Rematará este venres e, como cada ano, o IMD das Travesas converteuse nun fervedoiro de pais, nais, nenos e nenas xa media hora antes do comezo do campamento polideportivo. Predominou a ledicia nas facianas pola volta a un campus que moit@s xa coñecen doutras ocasións.

Este ano e por vez primeira a actividade externa ás Travesas, a visita a Cíes por cortesía da compañía Mar de Ons, farase con todo o grupo ao completo, en lugar de partido en dúas datas como noutras edicións.

O exitoso campus, no que os participantes comen nas propias instalacións do IMD das Travesas, está patrocinado por Frutas Nieves e Vitrasa, ademais de polos patróns de VIDE, o IMD e Mar de Ons.

O campus mobiliza a unhas vinte e cinco persoas entre VIDE, monitor e voluntarios.

Galería de fotos:

http://www.vide.es/fundacion/galeria-de-fotos/category/23.html