Ante o inicio de tempada da maioría das categorías femininas e masculinas do C.V. Xuvenil de Teis Turismo de Vigo, o club tomou a iniciativa de organizar unha xornada deportiva con equipos femininos. O próximo domingo día 2 de outubro, a partir das 10:00 da mañá, tomarán parte deste encontro todos os equipos femininos do club e enfrontaranse a equipos vidos dende diferentes puntos de Galicia e Portugal.

A pasada fin de semana disputouse en Salou a final do Campionato de España de voley praia. As xogadoras de C.V. Xuvenil de Teis Turismo de Vigo, Lorena e Xela, obtiveron a quinta praza nesta fase final. As xuveniles califican moi positivamente este resultado que os enfrontou no último partido á outra viguesa, Alejandra Simón.

Dende o pasado día 2 de setembro o equipo adestrado por Celso Veloso, volveu ao traballo de cara á tempada 2011/12 da Liga FEV. O inicio da tempada será o día 5 de novembro, na casa, contra o equipo de Guadalajara.

No partido disputado o venres, na penúltima xornada do Campionato de España infantil de voleibol que se disputou en Barcelona, as xogadoras do C.V. Xuvenil de Teis Turismo de Vigo sumaron outra vitoria ante o San Jose Obrero por 2-0 con parciais de 25-16 e 25-23.

No último partido do grupo F que enfrontaba ao equipo vigués co equipo canario de La Caja LPGC, o triunfo foi para as canarias cun claro 2-0, con parciais de 25-14 e 25-13. A partir dese momento o equipo de Teis pasou a formar parte do grupo 7, para loitar polos postos do 13 ao 24 deste Campionato de España.