Medalla de prata para Éder Villanueva González, do Club de Loita El Castro de Vigo, no Torneo Internacional de Grensland (Holanda) celebrado a semana pasada. O deportista vigués foi sete veces campión nacional na súa disciplina, e intentará chegar aos Xogos de Río 2016 tras perderse os de Londres 2012, ao non lograr a clasificación.
Manel Fernández, presidente de VIDE e concelleiro de Deportes do Concello de Vigo, quere felicitar a Éder polo seu éxito conseguido no Torneo Internacional de Loitas Olímpicas.