Unha atleta do Circuíto de Carreiras Populares Cidade de Vigo, convocada para os Europeos de cross en Dublín. Solange Andreia Pereira, do Playas de Jandía canario, nada en Portugal, que vive no Morrazo e nacionalizada española, defenderá á selección estatal nos vindeiros Europeos de campo a través que se correrán en Dublín (Irlanda) o 13 deste mes. Solange, nada en 1989, foi chamada para a proba promesa.

A Fundación Vigo en Deporte, como organizadora da Vigo Cup, torneo internacional de fútbol base, estableceu as datas para a edición de 2010, que será a décima, novena baixo o manto de VIDE.

A cuarta Subida ao Castro converteuse en proba de enorme interese para o desenlace do circuíto de carreiras populares Cidade de Vigo. Logo de disputadas tres probas e a falta de dúas para que conclúa esta primeira edición do evento (a IV Subida e a tradicional Carreira do Pavo), o apertado das clasificacións xerais deu unha posición privilexiada á proba dos 357 chanzos, que se disputará o 12 de decembro ás 12.00 horas con saída no Náutico e chegada ao castelo do Castro.

O Circuíto Cidade de Vigo decídese en Nadal en cuestión dunha semana. A Subida ao Castro (sábado 12 de decembro) e a Carreira do Pavo (20 decembro) determinarán o primeiro gañador do circuíto en cada unha das categorías en xogo, unha iniciativa da Concellería de Deportes e da Fundación VIDE.

Laura Magdalena acaba de cumprir este mes dous anos como directora-xerente da Fundación Vigo en Deporte. Nesta etapa, VIDE non só apoia aos clubs e deportistas, senón que se converteu nun elemento dinamizador principal ao pórse á cabeza da organización de grandes eventos.