Xisela Aranda, viguesa e capitá da selección absoluta de España, deberá esperar un ano máis para recuperar a primeira categoría do squash continental.

En Núremberg (Alemaña), a xogadora do Vigo Squash estivo fantástica, gañando cinco dos seus seis partidos, pero España acabou terceira e subían dúas seleccións. A derrota contra Bélxica na primeira xornada foi clave.

Xisela impúxose o venres á polaca Dominika Witkowska por 3-0 (11-4, 11-5 e 11-1), vencendo 3-0 España, e o sábado pechou o 35 Campionato de Europa con 3-0 sobre Italia e triunfo ante Ketiuscia Grossi (11-2, 11-3 e 11-6).

Vigo brilla nos 35º Europeos de squash coa selección española feminina, que busca volver a Primeira División.

Xisela Aranda, número 1 por España, derrotou pola mañá a Kim Hannes, a número 1 de Bélxica, por 3-0 (11-2, 11-8 e 11-8) aínda que o combinado nacional caeu ante o belga por 1-2, e repetiu vitoria contundente pola tarde fronte á finesa Saara Valtola por 3-0 (11-5, 11-5 e 11-2), a favorita do equipo escandinavo; esta vez a España que dirixe a castellonenca Margaux Moros Pitarch si gañou no global (2-1), co que mantén opcións de ascender mentres Bélxica vai líder invicta.

No 40º Campionato de Europa masculino, que se disputa no mesmo escenario, o Sportpark Nord, España bateu a Bélxica (3-1) e a Portugal (4-0). Ante a selección do país veciño, Constantino Casas, técnico da española, deu entrada ao quinto xogador nacional, o vigués Hugo Varela, que do mesmo xeito que en 2011 non defraudou: venceu a Pedro Pinto por 3-0 (11-9, 11-9 e 11-3).