image001

Por sexto ano consecutivo, o día 1 de outubro celébrase o Día europeo de fundacións e doantes, unha iniciativa promovida por DAFNE (Donors and Foundations Networks in Europe) e que a Asociación Española de Fundaciones (AEF), da que forma parte a Fundación Vigo en Deporte (VIDE) dende o seu nacemento, impulsa en España.
 
VIDE está presidida polo concelleiro de Deportes Manel Fernández por delegación do alcalde. Hoxe, fundacións de todo o continente europeo uniranse nunha iniciativa común coa celebración de actividades simultáneas. O obxectivo é potenciar o coñecemento do sector así como a súa contribución no desenvolvemento socioeconómico da sociedade. Nesta oportunidade, a campaña xira en torno á filantropía, polo seu compromiso coa sociedade.
 
O segmento fundacional europeo está actualmente integrado por máis de 140.000 fundacións que invisten 60 billóns de euros. Trátase polo tanto, dun sector en crecemento cun importante impacto no desenvolvemento socioeconómico da UE. As fundacións europeas operan en tantas áreas de actividade como necesidades e demandas cidadás existen, entre elas: cultura, educación-investigación, medio ambiente, servizos sociais, sanidade e actividades internacionais.
 
En España hay máis de 8.900 fundacións activas, xeran 240.000 postos de traballo e gastan máis de 8.000 millóns de euros. Delas, unhas 800 fundacións, VIDE entre elas, pertencen a AEF.