Aberto o prazo de inscrición para o Campus Polideportivo Vide

inscricioncampus1Esta mañá abriuse o prazo de inscrición para o décimo cuarto campus polideportivo de Vide, que se celebrará do 25 ao 28 de xuño nas instalacións do Instituto Municipal de Deportes (pavillón das Travesas). Un total de 200 nenos/as -de idades comprendidas entre os 8 e os 14 anos- participarán, da man das mellores entidades deportivas da cidade, da práctica deportiva dende a súa iniciación ao seu perfeccionamento. As actividades deportivas que se levarán a cabo serán: baloncesto, balonmán, voleibol, fútbol sala e hóckey a patíns. Para esta edición contamos coas actividades complementarias novas de cachibol e kimball e as xa habituais como son a piscina e a excursión ás Islas Cíes.

 

O campus polideportivo VIDE abre a súa inscrición o vindeiro 3 de xuño

campus09O programa estrela conxunto de VIDE, o IMD e a Concellería de Deportes xa está en marcha. O Campus Polideportivo 2013 celebrarase do 25 ao 28 do mes de xuño nas instalacións do IMD das Travesas. Para a décimo cuarta edición, a Fundación Vigo en Deporte decidiu manter o mesmo prezo que rexe no campus polideportivo dende 2007. O campamento, para nenos e nenas de 8 a 14 anos, conta con 200 prazas e desenvolverase este ano coa novidade do horario de comezo, será ás 9:00 h. (unha hora antes que as pasadas edicións) e finalizará coma sempre, ás 18:00 h. de martes a venres, ao ser o luns festivo con motivo do día de San Xoán.

 

Ábrese o vindeiro luns o prazo de inscrición para o Campus Polideportivo VIDE

inscricioncampus2A inscrición para o XIII Campus Polideportivo VIDE abrirase o luns 4 de xuño ás 9:00 horas nas oficinas da Fundación Vigo en Deporte, no edificio do IMD das Travesas. O campus desenvolverase nas Travesas do 25 ao 29 de xuño.

O campus, que conta co traballo en equipo de VIDE, a Concellería de Deportes e o Instituto Municipal de Deportes, abre para 200 prazas de nenos e nenas de 8 a 14 anos.

Nesta semana, as consultas de pais e nais, tanto presenciais como telefónicas, foron numerosas dada a tradición e arraigamento deste campamento polideportivo.

Vitrasa, Naviera Mar de Ons, Frutas Nieves, Umbro, Coca-Cola e Tiempo Muerto son algúns dos patrocinadores privados comprometidos con esta iniciativa, que dá continuidade ao programa das escolas deportivas municipais e é un complemento máis na formación dos e das deportistas locais de base.

 

Folla de inscrición e folla informativa do Campus Polideportivo VIDE

Xa está dispoñible a folla de inscrición para o Campus Polideportivo de VIDE, que terá lugar do 25 ao 29 de xuño (de luns a venres) nas instalacións deportivas municipais do IMD das Travesas.

 

O Campus VIDE, referencia dentro do programa Verán Xove, que presentou o alcalde con moitas novidades

1337861146campamentosO alcalde, Abel Caballero, presentou este xoves a oferta municipal de actividades para o verán, que increméntase un 40% con respecto ao ano pasado ata superar as 2.625 prazas.

Nos departamentos de Xuventude, Deportes ou Benestar Social, "o programa procura a conciliación familiar e o ocio educativo para os participantes", dixo o xefe do goberno municipal, sufragando o Concello o 53% do seu custo.

Caballero valorou o incremento da oferta de lecer educativo no verán por parte das distintas concellerías municipais, en particular "en época de crise", co que se busca facilitar a conciliación da vida familiar e laboral, fomentar a educación e a participación e educar en valores cívicos.