Esta fin de semana, o Club Ciclista Coruxo organiza dúas probas de bicicleta de montaña que moverán a uns 350 corredores.

Dende 2010, o C.C. Coruxo monta o Mini-BTT Montes de Coruxo, en Fragoselo, e nesta edición incorpórase como novidade unha cronoescalada.

O alcalde de Vigo, Abel Caballero, recibiu a unha representación dos e das ciclistas do C.C. Coruxo, encabezada polo seu presidente, Ángel Álvarez, e o vicepresidente, José Vila.

A nenos e nenas do club destacoulles Caballero "a dificultade do ciclismo de montaña e o compoñente ambiental destas probas", nun dos pulmóns dos que Vigo goza.

Outro exitazo. O Día do Patín reuniu ao longo da xornada de onte a unhas 6.000 persoas no Pavillón Central das Travesas. Con preto de 2.000 patinadores e patinadoras, as bancadas convertíronse nun enxame de cámaras fotográficas e de vídeo, seguindo as evolucións de coidadas coreografías e imaxinativos vestiarios.

Pola mañá, a quenda foi para as máis cativas e fundamentado nos colexios; xa polo serán, o protagonismo maior recaeu nos clubs. O concelleiro de Deportes, Manel Fernández, asistiu tanto á sesión matinal como á vespertina, mentres que o alcalde da cidade, Abel Caballero, acudiu á sesión da tarde, felicitando aos grupos e procedendo tamén á entrega de diplomas participativos.