SIAREIROS é un programa de apoio aos clubs deportivos da cidade de Vigo, a través da promoción das súas actividades. O principal obxectivo de SIAREIROS é conseguir incrementar o número de soci@s de cada club da cidade, para consolidar a traxectoria deportiva destas entidades, nunha cidade cimentada nos valores deportivos da honestidade, o esforzo e a saúde.

SIAREIROS é unha iniciativa única en toda España, que aglutina a unha parte importante dos clubs deportivos de Vigo a través dun proxecto definitivo, o cal amosa a todos os vigueses e viguesas a meirande oferta deportiva da cidade.

Co inicio da nova tempada deportiva 2011/2012, os clubs locais, co apoio do Concello de Vigo, queren presentar unha nova aposta do programa SIAREIROS, un novo proxecto para dar pulo á consecución de novos éxitos deportivos co apoio dun maior número de vigueses e viguesas.

Dende o 1 de setembro iniciamos a nova campaña de captación dos SOCIOS SIAREIROS 2011/2012. Agardamos unha resposta moi importante, xa que entre todos e todas podemos dar un novo pulo ao deporte vigués baixo unha mensaxe de Saca o Siareiro que levas dentro. Estamos nunha nova tempada, cun novo pulo.

SIAREIROS 2011/2012 iníciase cargado das ilusións das institucións e entidades que o apoian incondicionalmente, como un gran proxecto de Vigo como cidade para o deporte. A través da Fundación VIDE, o programa SIAREIROS conta coa colaboración e apoio do Concello de Vigo, Novacaixagalicia, PSA Peugeot Citroën e Pescanova como principais motores desta iniciativa, que durante a tempada 2011/2012 contará cunha especial colaboración do diario Faro de Vigo.

Durante os vindeiros oito meses os afeccionados de SIAREIROS poderán gozar do deporte vigués máis importante.

Retrospectiva. Un dos motivos principais do nacemento da Fundación VIDE foi a creación do Programa Siareiros, pois a cidade de Vigo está fortemente vencellada ao deporte tanto de base, canteira de futuras estrelas, como de elite que aporta o seu traballo, esforzo e experiencia a un sen fin de deportistas que gozan diariamente do deporte.

Obxectivos de Siareiros

Siareiros naceu, por tanto, con tres obxectivos principais:

1) Alentar ao deporte base da nosa cidade co fin de crear unha sociedade cimentada nos valores deportivos da honestidade, soliedariedade e saúde.

2) Axudar aos equipos de Vigo a facerse un oco no máis alto do deporte nacional.

3) A posibilidade para os equipos de Vigo de poder adestrar nas instalacións municipais de forma gratuíta.

Folla de inscrición Siareiros (3.34 MB)