Despois de gañar nas semifinais nun gran partido ao S.D. Chapela por 21-25, o Magope Seis do Nadal non puido sorprender a un Bm. Porriño, que demostrou a súa categoría ABF, para controlar o encontro a partir do minuto 20 da primeira parte.

Nos primeiros minutos do encontro, ás xogadoras de Anxo Corbillón puxéronse por diante no marcador en dúas ocasións, pero non foron capaces de manter a igualdade, as contras do Porriño deron as primeiras desvantaxas de 3 goles, e o tempo morto non puido frear as acometidas rivais, o esforzo físico do día anterior facíase notar nos derradeiros minutos do primeiro periodo. Na reanudación continuou a mesma dinámica do encontro ata o 22-40 final. O premio para todas as xogadoras do Magope Seis do Nadal foi o subcampionato na Copa Galicia, que ten sabor a título.