O Magope Seis do Nadal-Coia veuse tamén coas mans baleiras do seu desprazamento a Carballo. Os de Jorge Fernández perderon ante o Calvo Xiria por dez goles de diferenza (26-16) nun partido no que tiveron moitos problemas para superar a gran defensa exercida polo seu rival. 

Os vigueses presentáronse en Carballo dispostos a plantarlle cara ao Xiria, e conseguírono nos dez primeiros minutos (3-3, min.10). Con todo, un parcial de 5-0 dos locais, nos cinco minutos seguintes rompeu a igualdade e deixou moi tocado ao equipo vigués que xa foi incapaz de abortar a diferenza de marcador. Foise ao descanso perdendo por 6 goles (14-8) e na segunda parte lonxe de mellorar os seus números, permitiu que o seu rival aumentase a renda ata os 10 goles finais.

Á conclusión do partido, o adestrador do Magope Seis do Nadal Coia encomiou o bo traballo defensivo do seu rival á vez que lamentou os erros cometidos polo seu equipo; “é certo que o Xiria exerceu unha gran defensa pero tamén o é que nós estivemos moi desacertados no lanzamento. Non soubemos aproveitar os poucos erros cometidos polo Xiria. Fomos incapaces de superar ao seu porteiro en momentos crave e ao final pagámolo con esa derrota”.

Germán Iglesias Aymerich foi o máximo realizador do equipo vigués; anotou 5 goles. O resto materializáronos, David Costas (1), Denis Estévez (2), Pablo García (2), Iván López (3), Alberto Novoa (1), Jacobo Rodríguez (1) e Diego Fernández (1).

O vindeiro sábado, o Magope Seis do Nadal Coia recibirá en casa ao Luceros, a partir das 18.30 h.