Cabecera Vide

O Magope Seis do Nadal Coia recibe ao líder en cadro pero coa moral a lume de viqueira

seis do nadalO pavillón de Coia recibe este domingo ás 12.30 horas a visita do Calvo Xiria, líder de Primeira Estatal. Partido difícil para o Magope Seis do Nadal Coia que ademais o afrontará co equipo en cadro; Nani e Pablo son baixa segura mentres que Artur e Alex chegarán entre algodóns tras aqueixarse de distintas molestias durante a semana.

“Calvo Xiria é un equipo moi rápido e cunha intensidade defensiva superior ao resto da categoría”, advirte Jorge Fernández. As estatísticas apoian esa opinión. É o equipo menos goleado (307 goles) e o cuarto que máis tantos materializou no que vai de liga (473), só perdeu un partido e na primeira volta xa derrotou con claridade (26-16) ao Magoope Seis do Nadal Coia. Ainda así, no plantel vigués non descarta dar a sorpresa. Medirse ao líder sempre é moi motivador e o Magope Seis do Nadal Coia atravesa o seu mellor momento da tempada. “Afrontaremos o partido buscando a quinta vitoria consecutiva”, di Jorge Fernández. Un triunfo lles permitiría seguir recortando puntos cos postos de play off de ascenso. Os vigueses están a 7 do líder.