visita amfiv colegio 2009A Fundación Vigo en Deporte porá en marcha nas vindeiras datas unha nova campaña para potenciar a presenza dos clubs de elite nos centros escolares da cidade.

A decisión foi tomada grazas ao éxito das convocatorias e, especialmente, ao interese dos propias entidades deportivas por fomentar entre alumnos e alumnas a práctica de calquera das disciplinas explicadas. VIDE esperou un tempo razoable para comunicar aos directores de institutos e colexios a dispoñibilidade dos clubs do programa Siareiros Elite, o que fará agora. Preténdese que as institucións educativas poidan concertar visitas dos equipos a partir da segunda metade de novembro, é dicir, antes que a tempada pasada.

A experiencia do programa “Aprende cos mellores” foi moi gratificante para os clubs (participaron máis de vinte centros), segundo confesaban técnicos e xogadores tras as visitas realizadas. Especialmente emotivas foron as de xogadores e xogadoras do Aldasa Amfiv, equipo mixto da División de Honra do baloncesto en cadeira de rodas, no que posiblemente era o primeiro contacto dos nenos e nenas de Primaria (de 6 a 12 anos) con persoas con mobilidade reducida.

Dende VIDE considérase que este tipo de actividades non só axuda a fomentar determinados deportes, senón que tamén realizan un labor pedagóxico e social complementaria ás propias materias do curso, pois técnicos e xogadores esfórzanse en transmitir ao alumnado os valores do deporte.