Aínda non fai nin dúas semanas que Abel Caballero e Manel Fernández presentaron a Campaña Siareiros 2014/15 e o balance non podía ser mellor. 1448 de elite e 52 de base son os socios que os clubs realizaron ata a data. Entidades deportivas como o Academia Octavio, Celta Bosco, Xuvenil Teis, Vigo Voleibol, Balonmán Seis do Nadal-Coia, UB Lavadores, El Olivo, San José de la Guía ou A Paz 03, deron o pistoletazo de saída aos seus siareiros.

Manel Fernández, presidente de VIDE e concelleiro de Deportes, anima a todos os clubs adheridos ao programa a aumentar a cifra e chegar ao obxectivo proposto na festa de apertura, que reuniu no pavillón e Navia a preto de 500 persoas, de 12.000 socios.