sandraA piloto viguesa Sandra Fernández, conseguiu o segundo posto na cuarta proba do Campionato do Mundo de motonáutica, celebrado a pasada fin de semana en Liu Zhou, China. Este resultado confirma o excelente momento deportivo da viguesa, tras o seu primeiro posto na proba do Mundial, realizada o 7 de setembro en Ibiza, e a medalla de ouro conseguida no Campionato de Europa celebrado en Portugal, o pasado 27 de xullo.

 

IMG-20141006-WA0003O Academia Octavio 'volve ao cole' unha semana máis. Tras chegar a madrugada do luns de Algemesí (Valencia), onde o domingo o equipo de Javier Fernández 'Jabato' disputou a súa eliminatoria da Copa do Rei (Interestar Deporte Maristas Algemesí 34-31 Academia Octavio), a primeira hora do luns varios xogadores, acompañados polo adestrador, visitaban as instalacións do C.E.I.P Doutor Fleming (Vigo).

 

XornadasPromocionCelsoEmilioFerreiro-3BEdPrimariaO Club Baloncesto Seis do Nadal - Coia organizou durante a primeira semana do mes de outubro a terceira edición do Torneo 3x3 Interclases no Colexio Celso Emilio Ferreiro coa colaboración da área de Educación Física de dito centro do barrio de Coia.

 

halcones_lauraChegou ao Halcones de Vigo outra boa noticia ao confirmarse a convocatoria de Laura Honrubia, para a selección de Galicia de béisbol, que vai disputar o Campionato de España de seleccións autonómicas nos campos de béisbol de Madrid. En tan pouco tempo que leva o club  vigués preparando o equipo de sofbol feminino, xa deu os seus froitos, ao ser convocada unha das xogadoras para representar a Galicia en categoría cadete.

 

siareirosAínda non fai nin dúas semanas que Abel Caballero e Manel Fernández presentaron a Campaña Siareiros 2014/15 e o balance non podía ser mellor. 1448 de elite e 52 de base son os socios que os clubs realizaron ata a data. Entidades deportivas como o Academia Octavio, Celta Bosco, Xuvenil Teis, Vigo Voleibol, Balonmán Seis do Nadal-Coia, UB Lavadores, El Olivo, San José de la Guía ou A Paz 03, deron o pistoletazo de saída aos seus siareiros.