IMG 0315A Vigo Cup contará de novo con Hyupersa Vigo, concesionario oficial de Hyundai, entre os apoios privados dun evento que organiza a Fundación Vigo en Deporte por encargo do Concello.

O concelleiro de Deportes en funcións, Manel Fernández, pechou o acordo este xoves, polo que a firma surcoreana de automoción aporta ao evento un ciclomotor, un scooter KSR Classic 125, que será sorteado nas vindeiras datas. Para iso VIDE repartiu 20.000 boletos (entrégase cada un a cambio da donación de 1 euro) entre os clubs, que así poderán reducir sensiblemente o custo de inscrición no torneo.

A Vigo Cup comezará o vindeiro luns 24 e ata o domingo 30 disputará a modalidade de fútbol sala; do 1 ao 7 de xullo, momento do torneo internacional de fútbol base (fútbol 7 e fútbol 11).

Por segundo ano consecutivo, o xerente de Hyupersa Vigo, Juan José Paz, pon a disposición de VIDE un ciclomotor. A empresa que representa á marca surcoreana en Vigo leva tres anos envorcándose co deporte local, ben a través do circuíto Run Run Vigo de carreiras populares (Hyundai é o coche 0 das probas atléticas), ben coa Vigo Cup, o Trofeo Concello de Vigo de fútbol base de decembro ou a San Silvestre solidaria, no mesmo mes.

"Como patrocinador estou moi contento e agradecido co trato que recibimos nestes eventos", explica Paz, que se converteu nun socio do Concello para o deporte de formación e o atletismo popularO acordo plasmouse contando coa presenza dun dos equipos que participarán na Vigo Cup 2019, o Balaídos CF, no concesionario de Hyundai en San Andrés de Comesaña.