Cabecera Vide

A Fundación VIDE e Viaxes Zonda lanzan un novo sorteo co obxectivo de acadar 46.000 euros para os clubs do programa Siareiros

IMG 0652 2En marcha unha nova edición do tradicional sorteo dunha viaxe para obter fondos para os clubs do programa Siareiros. A Fundación Vigo en Deporte (VIDE) e Viaxes Zonda lanzan a quinta campaña consecutiva, con 46.000 euros en boletos para o sorteo dunha viaxe a Marrocos, Ceuta, Xerez e Alxeciras.

Manel Fernández, concelleiro de Deportes e, por delegación do alcalde, presidente da Fundación Vigo en Deporte, VIDE, e Alice Martínez, directora de Viaxes Zonda, puxeron en marcha esta semana a nova campaña 19/20.

Dende que Zonda se uniu ao panel de patrocinadores de VIDE, e sumando os boletos que colocarán as trinta e seis entidades deportivas de Siareiros que apostan por esta iniciativa, o deporte de formación supera os 200.000 euros de ingresos atípicos. Cada papeleta, coma sempre, pódese conquerir ao prezo de 1 euro (donativo).

A campaña rematará co sorteo o 15 de febreiro no partido Iberconsa Amfiv - Amiab Albacete, no pavillón municipal Pablo Beiro, en Bouzas. O Amfiv é o club que apadriña o sorteo por selo máximo representante na actualidade entre os clubs do programa Siareiros, ao competir na División de Honra.

A viaxe inclúe traslado en autopullman dende Vigo, billetes de ferry Tarifa-Tánger e Ceuta-Alxeciras, e visita a Alxeciras, Tarifa, Tánger, Fez, Meknes, Tetuán, Ceuta e Xerez.

Bases do sorteo "Viaxe Marrocos e Ceuta" campaña Siareiros 19-20