O Amfiv pechou o ano 2013 cumprindo co esperado ao non permitir que o Caja Vital Zuzenak, último do Grupo 2 da División de Honra de baloncesto en cadeira de rodas sen gañar aínda ningún partido, dese a sorpresa en Bouzas (65-38). Iso si, os vitorianos aguantaron os dous primeiros cuartos, mentres lles deron as forzas, ante un equipo vigués que empezou o partido sen ritmo e pouco intenso e non rematou de enchufarse ata despois do descanso.

De feito, os dez primeiros minutos finalizaron cunha mínima vantaxe para os locais (17-16), despois de numerosas perdas de balón e erros varios. Os vascos, pola súa banda, sentíanse cómodos nun encontro que se xogaba como máis lles conviña, sen apenas transicións rápidas e con escasa velocidade en todas as accións. Pouco ou nada variou a situación no segundo cuarto a pesar de que César Iglesias moveron o seu banco e probou a tratar de premer para intentar activar os seus desenchufados xogadores. Non obtivo os resultados esperados. Os puntos chegaban con contagotas e a única boa noticia era a reaparición do capitán vigués, Berni Costas, quen disputaba os seus primeiros minutos esta tempada. Por iso, ao intermedio o encontro seguía sin definirse (29-26, min.20) e o Caixa Vital Zuzenak soñaba con dar a campanada.

As súas esperanzas esfumáronse dun plumazo ao volver ao encontro. Porque os vitorianos aguantaron tres minutos máis (32-28, min.23). A quinta falta persoal de Gandía pasou demasiada factura a un equipo cun equipo curto e que empezaba xa a acusar o esforzo realizado. Os seis minutos sen anotar e o parcial de 9-0 a favor do Amfiv permitían ao conxunto de César Iglesias empezar a abrir brecha (41-28, min.29).

As forzas escaseaban xa no Caja Vital Zuzenak e os locais, agora si, estaban plenamente metidos no partido. A presión daba os seus froitos en forma de recuperacións de balón e canastras doadas e o marcador disparábase (51-34, min.33). Ademais, aos vascos custáballes muchísimo conseguir puntos, co que a renda non facía máis que incrementarse (61-34, min.39). O encontro estábaselle a facer moi longo aos visitantes ante un Amfiv que necesitaba reatoparse co triunfo antes de nadal para afrontar estas semanas de traballo previas ao seu desprazamento a Málaga cun sorriso na cara.