Cabecera Vide

Terceira final continental para o Aldasa, pero primeira para o Grupo Norte vallisoletano

final1aTerceira final do Aldasa Amfiv na Willi será en cambio a primeira do Fundación Grupo Norte Valladolid nun torneo europeo.

España coñece dabondo esta competición que comezou no ano 1997. Esta é a novena final con polo menos un equipo español nela e a segunda con duelo español polo título, trala que o Mideba Badaxoz gañou en Barcelona ao CAI Zaragoza en 2000.

De calquera forma, o equipo que saia vencedor estreará palmarés. Mideba levouna no 2000 e o Sandra Gran Canaria obtívoa en 2007 en Adana (Turquía). Agora, quenda para Amfiv ou Grupo Norte. O club que preside Pablo Beiro xogará a súa primeira final continental como Aldasa. Nos anos 2006 e 2008, o patrocinador era Vital Vigo.