O Uorsa Vigo sae derrotado de Almería

Imprimir

cprincipe16Encontro moi difícil para os xogadores vigueses que se enfrontaron ao lider da clasificación que non quere perder ningún partido no que resta de tempada e non debería ser contra un conxunto vigués ao que o seu técnico debe recompoñer xa que as lesións, ao final de tempada, están a pasar factura e o equipo queda moi curto para calquera tipo de rotación.

Destacar que ante un gran conxunto, como é o de Almería, os xogadores vigueses loitaron moito no primeiro set, non tiveron excesiva fortuna no segundo e volveron sacar a relucir a súa casta no terceiro. Terán que seguir esperando á seguinte xornada para coñecer o seu destino final xa que Zaragoza volveu puntuar en Palma e soamente a derrota de Arona lles permite ter certa esperanza de manter a categoría.

O encontro comezou cun UORSA moi metido no partido e apertando moito os dentes para non deixar que os seus rivais se fosen no marcador. E así foi xa que as diferenzas iniciais eran soamente de dous ou tres puntos. Os cambios de saque eran constantes o que daba a entender que os xogadores de Calafell non se daban por vencidos. Con todo os andaluces non se relaxaron en ningún momento e o marcador ampliouse ata unha diferenza de tres puntos, 18-15. A partir dese momento foi cando a noto a grande diferenza de equipo o que lles permitiu pechar o set.

O segundo tivo pouca historia aínda que ao comezo do set os locais non eran capaces de despegarse dos seus rivais. A primeira diferenza notable foi co marcador 11-8. Novamente o traballo local, sobre todo en bloqueo, permitiulles ir ampliando o marcador para deixalo nunha diferenza de 10 puntos.

No terceiro set puidemos ver un UORSA moi traballador e loitando todos os balóns na pista. Isto permitiulles adiantarse no marcador, por primeira vez no partido, ata de tres puntos 5-8. Esta diferenza mantívose ata que os locais chegaron a empatar a 14 puntos e chegar ao segundo tempo técnico soamente cun punto de diferenza 16-15. A partir dese momento os locais aferráronse a non perder ningún set e a bo seguro que o conseguiron. O maior equipo e a grande calidade dos seus xogadores fixeron o resto.

Satisfeitos, polo bo xogo realizado, regresan os xogadores vigueses e mirando de esguello a clasificación para empezar a traballar o luns e preparar outro dos encontros difíciles desta segunda volta que será en Coia contra Teruel, o segundo clasificado da superliga.

UNICAJA ALMERIA 3 UORSA VIGO 0
Parciais: 25-20 (26m.) 25-15 22m.) 25-19 (26m.)
UNICAJA-Pérez; Smith; Freriks; Sevillano; Delgado e Salas. Libre Cheas. Tamén xogaron: Salmon e Salvador
UORSA VIGO; Branco; Nenad; Guerreiro; Silvio, Galego e Mahia. Libre Regueiro. Tamén xogaron; Coveo e Dus
Árbitros. Dez e Martínez. Regular
Pavillón Moisés Ruiz. 700 espectadores