Cabecera Vide

O Xuvenil de Teis disputa o campionato de España infantil de voleibol en Barcelona

Onte comezou en Barcelona o campionato de España de voleibol de categoría infantil feminina para as xogadoras do C.V. Xuvenil de teis Turismo de Vigo.

As nove xogadoras viguesas que se desprazaron ata a cidade Condal son: Xulia, Carmen, Mireya, María, Noemí, Aída, Laura, Xela e Ángela, xunto con Rodolfo Lago e Sabela Chamas. Malia que o adestrador tivo que volver a Vigo polo nacemento da súa filla, as xogadoras souberon adxudicarse o primeiro partido, 12:30 horas, contra o equipo extremeño de Licenciados Reunidos por 2 sets a cero, con parciais de 25-14 e 25-18. Pola tarde enfrontáronse co C.N. Sabadella co que perderon por idéntico resultado con parciais de 25-16 e 25-15.

Hoxe, a partir das 12:30 da mañá, enfrontaranse ao equipo canario La Caja LPGC 2016, que se o conseguen vencer poderán clasificarse para a fase final que otrogará os postos do 1 ao 12.