Ante o inicio de tempada da maioría das categorías femininas e masculinas do C.V. Xuvenil de Teis Turismo de Vigo, o club tomou a iniciativa de organizar unha xornada deportiva con equipos femininos. O próximo domingo día 2 de outubro, a partir das 10:00 da mañá, tomarán parte deste encontro todos os equipos femininos do club e enfrontaranse a equipos vidos dende diferentes puntos de Galicia e Portugal.

Entre os equipos galegos atopamos o equipo de Calasancias de A Coruña que participará con equipos infantil, cadete e xuvenil. O equipo de Noia traerá as súas xogadoras infantís e cadetes. E dende Vila Nova de Gaia, Portugal, acudirán equipos senior, cadete e infantil. Aínda non se pecharon os contactos con outros equipos galegos podendo verse incrementada esta participación.

Espera que sexa unha xornada festiva máis alá do evento deportivo. O equipo abre as súas portas a todo aquel que queira participar nesta xornada dominical.