A ponte tráenos o segundo derbi galego da primeira volta, así as xogadoras do Xuvenil Teis enfrontaranse ás 18:15 do sábado ao Fisiomás Zalaeta. Os equipos ocupan prazas moi separadas, as coruñesas a quinta praza e as viguesas a décima.

O partido será moi intenso, intentando demostrar ambos os dous equipos o seu mellor xogo. Será dúbida Rebeca Hernández que se lesionou en avilés no partido contra A.D. Curtidora.

Esta fin de semana realízanse as primeiras xornadas de tecnificación da Federación galega de voleibol e o C.V. Xuvenil Teis terá representación nas categorías infantil e cadete tanto feminino como masculino.