Aínda que para este encontro se desprazou Alejandra Simón Marta, para unirse ás súas compañeiras do Secreto Galaico Xuvenil Teis, no partido ante o Fisiomás Zalaeta, e foi a máxima anotadora do seu equipo, a vitoria quedou no Barrio das Flores. Conseguindo así as coruñesas un pleno de vitorias na casa.

Os parciais deixaron ver a diferenza na clasificación dos dous equipos, as coruñesas na terceira praza e as viguesas na sétima. O resultado final foi de 3-1 para Fisiomás Zalaeta, gañando o primeiro set por un 25-12, pero no segundo set as do Secreto Galaico desenvolveron o seu mellor xogo para facerse co set por un 21-25. As locais xa non se permitiron máis erros e coa rabia de perder o segundo set endosáronlles ás viguesas un contundente 25-6. Para o cuarto set seguiron na súa liña de xogo para deixar as visitantes cun resultado curto de 25-11.

A Coruña, polo Secreto Galaico, desprazáronse Cristina, Rebeca, Nati, Lucía, Alejandra, Sofía, Carolina, Xulia, Lorena, Rosana e como libre Ania.
Polo Fisiomás Zalaeta xogaron: García, Vázquez, Rivas, Cobos, Alonso e Durán, como libre Hidalgo.