Oitava vitoria consecutiva do Olivo. As de Juan Carlos García "Charly" venceron no Municipal Pahíño ao U.D. Barbadás, terceiro clasificado, con goleada incluída. 6-1 foi o resultado do marcador nun partido onde as viguesas comezaron por debaixo.

A igualada chegou a dez minutos do final da primeira parte. Tras o descanso as rapazas do Olivo foron superiores o que lle dá o liderado na táboa de clasificación con tres puntos de vantaxe sobre o segundo, o Friol.

A próxima xornada, a novena da 2ª División, as viguesas enfrontaranse ao C. Bértola Feminino a domicilio.