O Vigo Rugby gaña baixo a néboa

Imprimir

vigorugbywebNun día con condicións climáticas difíciles para xogar un partido de Rugby, con abundante néboa e choiva persistente, o EDNON UNIVERSIDADE DE VIGO sacou o máximo proveito no segundo tempo do partido. O vento que atravesaba o campo era determinante en canto á posición onde se xogaba o partido e a choiva facía moi difícil manexar o balón, o primeiro tempo favorecía aos vascos que intelixentemente usaron o pé con vento a favor e mantiveron o xogo en territorio vigués, tendo dúas oportunidades de converter a paus pero sen o acerto do seu pateador.

A férrea defensa de Vigo, que non deixaba entrar á súa zona de ensaio, tivo os seus froitos con tres oportunidades nos que o EDNON Universidade gañou terreo pasando a xogar en campo visitante con ataques continuados aos que Durango debeu detelos caendo en infraccións con golpe de castigo. Mauro transformou en puntos 2 deses golpes de castigo, co que se ía ao descanso cun parcial de 6 a 0 a favor dos locais e co 2º tempo con vento a favor e co EDNON Universidade que non ía desaproveitar esa situación. Nin ben comezou a segunda parte, sae do centro Durango e erros na recepción viguesa terminan cunha touch a 5 m da liña de ensaio do EDNON Universidade, que Durango non desaproveita e cun maul ensaia e converte 7 a 6. Durango pasou a gañar o encontro e de aí en máis os do equipo vigués situáronse en campo rival e, con posesión do balón e sen ela, presionaron ao equipo visitante que seguía cometendo golpes para poder deter os embates. Mauro fallou un par de tiros aos paus moi factibles e converteu outros dous, o que deixaba o marcador 12 a 7 a favor do EDNON Universidade. Iso levou a máis presión por parte dos locais que aínda que perdían a obtención na melé, obtiña as súas touch e con presión lograba que Durango cometese erros, ata que logo de varios ataques continuados, e tras un par de pases chegoulle o balón polo chan aos pés de Mauro, empuxándoo á zona de ensaio e se zambulléndose a ensaiar. Pouco tempo quedaba pero Durango saíu de metade de campo e erros na recepción do equipo local fixeron que lograse un último ensaio que non puido transformar, despois do cal o árbitro pitou o final con 17 a 12 para os locais.

Parabén para Vigo que volva gañar, nunha liga que se presenta moi disputada, e un aplauso para o público que se deu cita a pesar do clima para animar aos locais, agora a prepararse para o fin de semana que viaxa a Barcelona.

Resumo de partido:
3º xornada Honra B:
EDNON Universidade Vigo Rugby vs. Durango 1/11/2009
Resultados
EDNON Universidade Vigo 17 Durango12
Aliñación:
Leonardo Bulacio, Vicente Prieto e Iñaki Román, Ignacio Lobón e Jose Mª Fernández, Nicolás Gómez Ventura, Mauro González e Mariano Berlande, Alberto Mera e Jon Arrizabalaga, Joaquín Maguna, Alberto Campos, Javier Parga, Carlos De Cabo, e Mauro Álvarez.

O marcador:
EDNON Universidade Vigo R. C (17): Ensaios: Mauro Álvarez s/c e 4 golpes de castigo do mesmo
Durango:(12): Ensaios: 2, convertidos 1

3º xornada 1ª Territorial Galega:
Universidade Vigo B vs. Ferrol 31/10/2009

O equipo B de Vigo volveu ao triunfo este fin de semana en Ferrol. Cun primeiro tempo bastante disputado con moitos erros de manexo en xeral onde as accións foron parellas cun ensaio para cada equipo e un golpe de castigo a paus para Vigo deixaba as cousas no descanso a favor por 8 a 7. Insinuouse un pouco mellor en todas as súas liñas, pero non foi ata o segundo tempo onde os de Vigo fixeron notar a súa superioridade e marcaron o rumbo do partido logrando 4 ensaios máis pondo cifras definitivas ao encontro 32 a 7.