Cabecera Vide

O Blusens cae por 26 a 16 ante Ampo Ordizia

Nun partido que o Blusens Universidade comezou perdendo pero pasou a gañar durante grande parte do partido. O Blusens Universidade de Vigo caeu onte ante o Ampo Ordizia por 26 a 16, nun partido ao que se chegou ao descanso con vitoria parcial local por 13 a 10, malia ir perdendo xa aos 8 minutos por 10 a 0 tras dous ensaios tempraneros dos vascos.

O encontro comezou con dous rápida vantaxe de Ordizia, a través de dúas xogadas da súa liña, con ensaios de Puyadena e Steyl, este último sen dúbida, o xogador do partido, que aos 8 minutos de partido gañaba por 10 a 0, o que facía presumir un vitoria por goleada visitante. Pero o Blusens Universidade callou dende ese momento quizais os mellores minutos de rugby da tempada pasando a controlar o partido, premendo en ataque e defensa a un equipo vasco que non podía conseguir a posesión do balón. Foi así como Jeremy Simon, que ingresou pronto ao terreo de xogo por lesión de Mauro González, conseguiu dous golpes de castigo e unha transformación, esta última tras un ensaio por potencia de Maka Tatafu, para chegar ao descanso con resultado parcial de 13 a 10.

A segunda parte comezaríaa o Ampo Ordizia cun home menos por sen bin do seu pilier dereito Lomax, que o Blusens non soubo transformar en puntos, algo que se conseguiu o equipo vasco cando lle pasou o mesmo ao local Sam Hayes. Nesta segunda metade o Blusens Universidade de Vigo só anotou un golpe de castigo a través dun acertado Simon, mentres que o Ampo Ordizia apoiou dous ensaios a través de Huxford e o xigante segunda liña Chipman, máis as dúas patadas pasadas polo internacional español corey Simpson, para deixar o resultado final de 26 a 16, nun entretido partido en As Lagoas Marcosende, cunha aceptable concorrencia de público.

O Blusens Universidade deixou boas sensacións ante o segundo clasificado na liga e a punto estivo de rabuñar un punto bonus defensivo se non fose polo vento, que desviou unha patada accesible do apertura francés Simon nos últimos minutos. A nota negativa foi as lesións de Carlos de Cabo, con rotura fibrilar, e Mauro González, con fractura do primeiro metacarpo da súa man dereita, e que deberá pasar por quirófano o luns mesmo. Agora durante a semana Monreal e Mera prepararán o partido ante Gernika, que se xogará o próximo sábado ás 12.00 h en e terras vascas.

Blusens Universidade de Vigo (16): David Redondo, Vicente Prieto, Maka Tatafu, Carlos López Marqués, Mariano Berlande, Victor Salgado, Sam Hayes, Alejandro Blanco, Joaquín Maguna, Luke Graham, Mauro González, David Riveiro, Carlos de Cabo, Javier Parga e Adolfo Uruburo. Ingresaron: Marcos Muñiz, Javier Abadía, Cristian Anido, Brais Sánchez, Jeremy Simon, Daniel Fuentes, Juan Manuel Rodríguez. Suplente: Jorge Barbudo.

Ampo Ordizia RE (26) (b): Juan Pérez, Jon Grende, Vaughan Lomax, Axier Alvarez de Elate, Jamie Chipman, Joan Tudela, Joanes Mujika, Richard Reupema, Phillip Huxford, Martín Palumbo, Añaut Azaldegui, Corey Simpson, Iñaki Puyadena, Jon Iker Arraztoa, Heindrich Steyl. Ingresaron: José Malkorra, Ugaitz Aranguren, Iñigo Marotiar, Mikel Aizpurúa,. Suplentes: Migual Angel del Río, Beñat Erbina y Migelez.

Tanteador:
Min 5 ensaio de Puyadena, 0 a 5
Min 8 ensaio de Steyl, 0 a 10
Min 27 golpe de castigo de Simon, 3 a 10
Min 34 ensaio de Tatafu, pasado por Simon, 10 a 10
Min 40 golpe de castigo de Simon, 13 a 10