Mostrando unha gran defensa e un gran corazón, o equipo de Ednon Universidade Vigo RC, non puido superar a Getxo no partido correspondente á sexta data do torneo Español na División de Honra B, na que caeu derrotado por 24-17. Un encontro sumamente disputado, onde a visita aproveitou as súas ocasións para marcar e quedar co triunfo.

No comezo do encontro, unha serie de golpes de castigo a favor de Getxo, permitiron aos visitantes pasar rapidamente á fronte no marcador por 6 a 0. Con correr dos minutos, Vigo pareceu espertar, pero sen orde para atacar. A pesar de quedar con 14 homes, pola amarela de Prieto, os locais non se desesperaron, lograron manter o resultado coa mesma diferenza ata os 30 da primeira etapa, onde Mauro Álvarez, logro o desconto coa transformación dun golpe de castigo. Co reingreso de Prieto e a expulsión momentánea dun xogador por parte de Getxo, Vigo mostrou a súa mellor cara e pasou á fronte no marcador.

Un kick curto por parte de Joaquín Maguna, e a pelexa polo balón de Cristian Aniño, lograron un avance rápido polo sector esquerdo da cancha. Coa continuidade das fases, Carlos De Cabo aproveito o oco na defensa visitante para conseguir o ensaio convertido por Mauro Álvarez que deixaba a Vigo cunha vitoria parcial por 10 a 6. Minutos máis tarde, Getxo volveu descontar cunha nova transformación dun golpe de castigo. Sobre o final, a defensa visitante tapo unha kick de Álvarez e conseguiu poñerse novamente á fronte por 15 a 10.

No complemento, Getxo seguiu sendo quen máis tivo a pelota e foi onde a defensa local se mostrou máis aguerrida. A continuidade nos placajes por parte dos dianteiros, especialmente a terceira liña (Mauro González, Fernando Millara e Nicolás Ventura) evitou que a visita ampliase o resultado.Sobre os 10 minutos do complemento, Getxo sacou maior distancia, logo dun novo golpe de castigo transformado. Vigo volveu quedar cun home menos, nesta ocasión pola amarela a Carlos De Cabo e minutos máis tarde, pasou a xogar con 13. Unha nova amarela para Prieto, deixo ao equipo de Babini sen talonador para o resto do partido.

A visita non puido aproveitar esta situación, e isto debeuse á dura defensa que mostraron os locais. Pero sobre o final, un novo ensaio amplo a diferenza no marcador pasando a gañar por 24 a 10. Con este ensaio en contra, os vigueses mostraron o seu corazón e xogaron os últimos minutos en campo visitante.Con movementos continuos, fases entre dianteiros e tres cuartos, acorralaron a Getxo contra a súa liña de ensaio, e a defensa de Getxo puido ser vencida por Maguna para deixar a diferenza final en sete puntos, 17-24. Vigo seguiu por máis e quedo moi preto de conseguir un novo ensaio, pero o tempo non foi suficiente. Unha derrota que o deixa na 6ta colocación na táboa con 11 puntos, superado agora por Getxo con 13.

Logo de seis xornadas, Hernani (27) segue sendo o líder, ao derrotar a Éibar (1) 32 a 8. FC Barcelona (25) ségueo de preto logo de superar a BUC (Universidade de Barcelona) (17) por 31 a 25 e Oviedo (18), que venceu a Durango (7) 24 a 18, sitúase na terceira colocación.

Na data seguinte (29 de nov.), Vigo viaxará a Barcelona para enfrontar a BUC, Éibar recibirá a Durango, Oviedo esperase por FC Barcelona e o líder Hernani, visitase a Getxo.

Vigo formou con: Iñaki Román, Vicente Prieto e Pablo Amodeo, Mariano Berlande e José Mª Fernández, Nicolás Gómez Ventura, Mauro González e Fernando Millara; Alberto Mera e Joaquín Maguna;  Cristian Aniño, Carlos De Cabo, Javier Parga, Jon Iker Arraztoa e Mauro Álvarez.