rugbyO Blusens Universidade de Vigo comezou os adestramentos do 2014 inmediatamente despois do ano novo, xa que Monreal e Mera convocaran aos xogadores dende o pasado xoves 2 de xaneiro. Os adestramentos retomaronse, onte, nas instalacións deportivas da Universidade de Vigo.

Aos adestramentos incorporouse Lionel Pardo, que chega como reforzo da terceira liña. O xogador de 190 cm, 110 quilos e 23 anos, foi internacional en varias ocasións coa selección española e ten experiencia no rugby francés no USAP Perpignan del Top 14. Un xogador que achegará experiencia e dinamismo ao pack de dianteiros vigués.

Como a liga se detivo ata o sábado 25, cando o Blusens Universidade de Vigo enfrontese ao Getxo en As Lagoas, o corpo técnico acordou un partido amigable ante Ferrol Rugby Club, como agradecemento á cesión de Francisco Usero "Pakito" para os partidos de decembro, que xogarase este sábado dende as 16.00 h en A Malata. Monreal e Mera queren ao equipo en forma para afrontar esta segunda volta e seguir crecendo en canto a base de xogo e resultandos, e desta forma seguir escalando na clasificación e afastarse dos postos de descenso e promoción.