Na súa visita a Oviedo, caeu por 33 a 17 e deixou unha frouxa imaxe no último partido do ano. A pesar de comezar mellor que o seu rival, conseguindo os primeiros 3 puntos logo dun golpe de castigo transformado por Mauro Álvarez, non puido manter o seu xogo e rapidamente foi superado no xogo e no resultado.

AOS 10, Oviedo conseguiu o primeiro ensaio do partido logo de conseguir continuidade no seu xogo. O pilier Abdon Roces encargouse de marcar o ensaio que foi convertido por Henrio Fisher.

Un golpe de castigo transformado por Fisher ampliou a distancia no marcador cando ían 20 minutos e Oviedo se facía dono do partido.

Tres minutos máis tarde, o medio loita local, aproveitou un fallo defensivo no maul e mediante unha xogada persoal conseguir un novo ensaio tamén transformado por Fisher.

Co marcador 17 a 3 a favor dos locais, Vigo sacou o seu mellor xogo, pero só durou uns minutos. Xogando en curto cos seus dianteiros conseguiu quedar preto da liña de ensaio para continuar cos tres cuartos que marcaron a través de Carlos de Cabo. Ensaio que foi transformado por Álvarez.

Antes do peche da primeira parte, Oviedo volveu ser o dono e protagonista absoluto do partido e conseguiu irse ao descanso con 6 puntos máis produto de 2 golpes de castigo transformados por Fisher.

Na segunda metade Vigo tivo máis a pelota pero non puido capitalizar esa posesión no resultado. Con máis xogo pero sen orde, chocou cunha dura defensa local.

Na primeira xogada de ataque no complemento, Oviedo volveu cambiar o resultado. Andrés Louro recibiu o pase do seu oitavo logo dunha loita a 5 metros, xuntou as marcas de Jon Arrizabalaga e Mauro González para logo superalos en velocidade e deixar o partido en 28 a 10.

Vigo volveu a campo rival e recén puido volver anotar aos 32 do complemento. Novamente comezou o seu xogo percutindo cos dianteiros para logo abrir a pelota. Ignacio Lobón supero a súa marca e conseguiu o ensaio que logo foi convertido por Álvarez.

A pesar do envión, a inestabilidade visitante volveu aparecer e sufriu o cuarto ensaio en contra no final do partido. Roberto González foi o autor dunha boa manobra a 5 metros dos dianteiros locais.

Un duro resultado para pechar o ano. As imprecisións, a carencia de ideas e a constante devolución do balón deixaron a Vigo con moitas dúbidas no campo e unha derrota que complica as aspiracións do club vigués.

Oviedo: Enrique García, Roberto González, Abdón Roces; Camerón Reed, Daniel Asenso; Pablo Salinas, David Valdés, Simón Hafoka; Diego García, Henrio Fisher; Andrés Louro, Santiago González, Joahua Wilson, Javier Moran e Martin Roveda. Ingresaron: Fernando Olivera, Daniel Grieve e David Rey

Vigo RC: Ignacio Román, Nicolás Martinez, Victor Fontán; Ignacio Lobón, Jose María Fernández; Nicolás Gómez, Vicente Prieto, Mariano Berlande; Alberto Mera, Jon Arrizabalaga, Jon Iker Arraztoa, Carlos De Cabo, Javier Oarga, Mauro González e Mauro Álvarez. Ingresaron Pablo Amodeo, Mariano Pereira e Fernando Millara

Tantos Oviedo: Ensaios Abdón Roces, Diego García, Andrés Louro e Roberto González. Dúas transformacións e 3 golpes de castigo de Henrio Fisher

Tantos Vigo: Ensaios de Ignacio Lobón e Carlos de Cabo e dúas transformacións e 1 golpe de castigo de Mauro Álvarez.