rugby femeninoO Universidade de Vigo feminino viaxa esta fin de semana a Madrid para disputar a fase de ascenso a División de Honra, fase denominado pola Federación Española de Rugby como División de Honra B, en que se inscribiron finalmente 6 equipos, entre eles o equipo vigués.

Esta fase xogarse na mañá do sábado e o domingo nas instalacións do XV Hortaleza Rugby, club organizador do evento, nunha competición que se divide en 2 grupos de 3 equipos, nos cales competirase no formato todos contra todos. Os vencedores de cada grupo xogarán a final o domingo que dará dereito a xogar o partido de playoff de ascenso á máxima categoría española feminina, ante o último clasificado da División de Honra. No devandito partido o gañador ascenderá ou permanecerá en División de Honra.

A FER xa enviou os calendarios e cadros de competición e o Universidade de Vigo quedou encadrado co C.N. Poble Nou Enginyers da federación catalá, e con CAU Valencia, da valenciana. No outro grupo competirán o Universitario de Sevilla, o XV Hortaleza R.C madrileño e ña La Única R.T. vasco.

O equipo vigués adestrado por Helena Broullón preparouse a conciencia para este torneo, e as xogadoras asumen o desafío con posibilidades de ascender a máxima categoría. Desprazaranse o venres pola tarde a Madrid en autobús para facer noite alí e estar preparadas dende temperán para afrontar o seu primeiro partido, os que se xogarán en dous tempos de 20 minutos cada un, ante o CAU Valencia ás 13.00 h. Posteriormente pecharán a xornada ás 14.40 h ante o C.N. Poble Nou Enginyers. O domingo disputarán o seu partido ante o equipo igual clasificado no outro grupo.