Cabecera Vide

O Blusens Universidade cae 51 a 5 en Altamira

ampo ordizia blusensuniversidadedevigo 2015 FOTO Ainhoa Muriel 2O Blusens Universidade de Vigo tráese unha nova derrota de terras vascas, nun desprazamento ao debeu acudir enchido de baixas. Para completar o equipo tivo que incorporar algúns xogadores dos filiais Os Ingleses e Ferrol Rugby.

Pero aínda así, o equipo vigués soubo conter ao longo do primeiro atiempo a Ampo Ordizia, un equipo cun bloque central de xogadores habituais dende hai varias tempadas, entre os que destacan Kroll, Huxford, Lomax ou o polinesio Muagututia.

Se ben os primeiros puntos locais chegasen nos primeiros 6 minutos, tras 2 golpes pasados por Kroll, Ordizia só puido pasar a liña de marca recén no minuto 36, cando Huxford pousou o oval en la bandeira. Minutos despois eran Auzpurúa o que pousaba tras a saída dunha loita a 5 tras pousar Maguna dentro da zona de marca ante a presión local.

O segundo tempo sería outro cantar e os xogadores de Ordizia pousarían ata 6 ensaios máis, motivados por acceder aos postos de playoff, distanciados a 1 punto agora do Gernika que ocupa a sexta praza. O próximo partido de liga deberán enfrontarse en derby vasco ao Hernani, que continúa na última praza, pero que sumou un punto bonus tras caer ante o Bathco por 46 a 31, e ponse a 2 do Blusens Universidade, aínda que cun partido menos suspendido, e que disputarán na casa ante Hermi El Salvador o domingo 18 de abril, xornada de descanso para os demais participantes de liga.

Ao Blusens Universidade non lle queda outra opción que sumar, cando reciba o 25 de abril ao complicado segundo clasificado Santboiana. Na última xornada da primeira fin de semana de maio deberá desprazarse a Madrid para medirse ao CRC Pozuelo, nun partido máis parello, pero ante un equipo que aínda non ten a permanencia matemática ao sumar 32 puntos, 8 máis que os vigueses.

Agora o corpo técnico ten 2 semanas por diante de preparación, e os xogadores tocados ou lesionados deberán acelerar as súas recuperacións para poñerse a disposición de Mera e Maxwell, e aínda que hai aínda posibilidades de lograr a permanencia definitiva, polo menos poder garantir xogar o playoff polo descenso ante o segundo da división de honra B, e manter a distancia do descenso directo do último posto.
Fotografía de Ainhoa Muriel.