O Ednon Universidade despide a tempada cun empate

Imprimir

Na última xornada da División de Honra B española, o Ednon Universidade Vigo RC empatou nun entretido encontro con Barcelona Universitari (BUC) 18 a 18.

Unha vez máis, o equipo de Aníbal Babini sufriu coas ausencias. Mauro González, Alberto Campos, Iker Arraztoa, Iván Conti e o seu capitán José María Fernández non puideron estar presentes por lesións ou suspensión. Ademais, Nicolás Martínez, Mauro Álvarez e Cristian Aniño non puideron finalizar o encontro por lesión. Xogando coa mesma intensidade e concentración que nos últimos partidos, especialmente en defensa, o conxunto local comezou a primeira etapa de mellor forma. Unha boa combinación entre varios dianteiros de Vigo polo lado pechado, foi capitalizada por Ignacio Lobón para conseguir o primeiro ensaio do partido aos 6 minutos de xogo poñendo o marcador 5 a 0. Só catro minutos máis tarde, Mauro Álvarez conseguiu o segundo ensaio ao finalizar unha xogada da liña. O devandito ensaio foi transformado polo autor do mesmo ampliado a vantaxe 12 a 0. Vigo continuou con bo xogo, pero unha tarxeta amarela a Alberto Mera, deixou con 14 xogadores aos locais.

Cun home de máis, BUC fíxose máis forte e logo dun golpe de castigo a 5 metros, conseguiu o desconto por intermedio do terceira liña Isaac Moreno, que foi transformado por Carles Badía, reducindo a diferenza a 12 a 7. Un drop de Badía no minuto 38 e unha transformación por golpe de castigo no último minuto, tamén do medio loita, permitiron que a visita pase á fronte no marcador por 12 a 13. No final do primeiro tempo, Carlos de Cabo debeu deixar o campo por 10 minutos por recibir unha tarxeta amarela, produto dun placaje alto. No complemento, unha nova transformación por un golpe de castigo transformado por Mauro Álvarez deulle outra vez o triunfo parcial aos locais cando recén ían 8 minutos, pasando outra vez á fronte por 15 a 13. Unha nova amarela, a Javier Parga, deixou por terceira vez a Vigo con 14 xogadores.

A pesar da desvantaxe numérica, Vigo foi a por máis e volveu conseguir 3 puntos, logo dun drop de Joaquín Maguna Lago, ampliando a 18 a 13. O BUC pasou a atacar tanto cos seus dianteiros como coa súa liña de tres cuartos, pero a boa defensa local, imposibilitou o desconto visitante. AOS 30 minutos, Nicolás Gómez, de Vigo e Pablo Rey, de Barcelona sufriron unha nova expulsión temporal. Recén aos 35 minutos, Ermengol Alemany logrou superar a marca para conseguir o empate final en 18 puntos. A pesar de ir á fronte en varios momentos, o Ednon Universidade Vigo non puido manter o resultado ao seu favor, polo que o empate rematou deixando un sabor amargo. O resultado final deixo a Vigo na 5ta colocación, mentres que Barcelona Universitari quedou na 3ra.

Hernani quedou campión do torneo, logo de superar a Getxo 50 a 28, mentres que Barcelona FC foi segundo ao derrotar a Oviedo 53 a 21.

No encontro polo último posto, Durango venceu a Éibar 20 a 14.

Polos ascensos á División de Honra Renfe, o primeiro clasificado do Grupo 2, Mercedes Benz E. Alcobendas, enfrontarase ao F.C. Barcelona mentres que na outra eliminatoria, Hernani C.R.E. e CAU Valencia loitarán pola segunda.

Polo descenso, o penúltimo clasificado do grupo 2, UMA C.R. Málaga, enfrontarase ao Éibar Hierros Anetxe R.T. por evitar o descenso directo.

Durango Ilarduya R.T., pasou directamente a xogar a promoción con equipos de Primeira Nacional. O Jaén. R.C. renunciou a disputar a eliminatoria e baixo directamente a Primeira Nacional.

EDNON VIGO RC "A": Iñaki Román, Vicente Prieto, Nicolás Martínez; Ignacio Lobón, Victor Fontán; Nicolás Gómez Ventura, Fernando Millara e Mariano Berlande; Alberto Mera, Joaquín Maguna Lago, Cristian Aniño, Javier Parga, Jon Arrizabalaga, Carlos de Cabo e Mauro Álvarez. Ingresaron: Mariano Pereira, Pablo Amodeo, Juan Rodríguez e Gonzalo Valencia. Non ingresaron: Ignacio Franco e Iván Conti. Adestrador: Aníbal Babini.

UNIVERSIDADE DE BARCELONA: Marc González, Lucas Pérez, Marc Louro; Ermengol Alemany, Juan Porras; Isaac Moreno, Antoni Fedelich e William Portillo; Carles Badía, Xavier Zubero, Gerard Borraz, Pedro Fages, Alex Zubero, Jordi Sánchez e Oriol García. Ingresaron: Gonzalo Nadal, Guillermo Weisilol, Milton Alcaraz, Pablo Rey e Raimon Jorba.

Marcador: 6 min. ensaio Ignacio Lobón (V), 10 min. ensaio Mauro Álvarez transformado por este (V), 20 min. ensaio Isaac Moreno transformado por Carles Badía (B), 38 min. drop Carles Badía (B), 40 min. transformación por golpe de castigo Carles Badía (B), 48 min. transformación por golpe de castigo Mauro Álvarez (V), 58 min. drop Joaquín Maguna Lago (V), 75 min. ensaio Ermengol Alemany (B).
Tarxetas: Amarelas: Alberto Mera (v), Carlos de Cabo (V), Javier Parga (V), Nicolás Gómez (V), Juan Porras (B) e Milton Alcaraz (B).
Arbitro: Luis Santos.
Campo: As Lagoas Marcosende (Vigo).