Cabecera Vide

Os cadetes dos Halcones obteñen un segundo lugar no Campionato Galego de béisbol

halcones cadetesO equipo cadete dos Halcones de Vigo, alzáronse co segundo posto do Campionato Galego de Béisbol disputado a pasada fin de semana en Lugo, contra os equipos de Os Tilos de Santiago e Lume B.C. de Lugo.

Os partidos se celebrarón no Complexo Deportivo do Polígono Industrial do Ceao ante unha numerosa e entusiasta público. Foi unha verdadeira festa beisbolera onde pais, adestradores, árbitros e os propios cadetes, gozaron de grandes atrapadas, atrevidos corridos de bases e algunha que outra lagrima derramada ante os erros cometidos, demostrando o amor propio conque estes nenos xogan ao Rei dos Deportes.

O primeiro partido ante o Club de Os Tilos, disputado ás 13:30 horas culminou por un resultado en contra de 9 carreiras a 2. O equipo de Os Tilos soubo impoñerse con claridade aos nosos pupilos conectando varios hits durante o encontro, ata poder facerse coa vitoria, e así obter o primeiro posto no Campionato, xa que antes gañaran o seu primeiro xogo ante os de Lume.

No segundo encontro os rapaces dos Halcones viviron un partido emocionante ata o último ining, xa que ambos os dous equipos loitaron ata o final para obter o segundo posto do campionato grazas á grande ofensiva, onde sobresaíron entre outros Leopoldo Rodríguez e Raúl Bugallo con 2 hits cada un.

O line-up abridor para este xogo foi o seguinte: Daniel Alonso (p), Iann graciano(1B), Raúl Bugallo (3b), Leopoldo Rodríguez (ss), Adrián González (2b), Brais Ortega (lf), Raúl López (cf) Anxo Álvarez (c), Santiago Alonso (rf). O resultado final foi de 17 carreiras a 16 a favor de Halcones.