O Academia Octavio venceu, o pasado sábado, no pavillón de As Travesas, ao MMT Seguros Zamora por un apurado 28 a 26. Os vigueses gañaban aos casteláns, en quinta xornada liguera da División de Honra Prata, tras pelexar e empregarse a fondo para levarse os puntos.

A próxima xornada haberá un parón ligueiro para a disputa da Copa do Rei. Os académicos enfrontaranse ao Bordils en Girona.

Xa o sábado 26 de outubro, os de Quique Domínguez retomarán a liga en terras andaluzas enfrontándose ao Meridiano Antequera.