O Baloncesto Seis do Nadal organizará do 2 ao 4 de abril un torneo internacional doble, cadete e infantil masculino e feminino, que recibirá a 400 participantes e 27 equipos. O evento, que conta co apoio da Concellería de Deportes e o IMD, xogarase integramente na polideportiva de Balaídos, comezando polas mañás ás 10.00 horas e polas tardes ás 16.00.
“O torneo cadete dispútase por terceira tempada consecutiva, mentres que este ano recuperamos o torneo infantil, que se fixo na tempada 2005/2006”, sinala Sergio González, director deportivo do club de Coia. No programa, os partidos clasificatorios xogaranse de mañá e de tarde os cruces e as finais.
En cadetes, a representación é moi importante: o colexio Agustinos de León participa por vez primeira (só en mozos), mentres que repiten dous conxuntos portugueses, o Porto e o Gafanha. Ademais, competirá a selección precadete masculina de Vigo, o que unido á presenza de equipos como o Básquet Coruña ou o Instituto Rosalía Castro dá un alto nivel ao torneo. En cadetes haberá dezaoito equipos, doce masculinos (con dúas competicións diferentes, a serie A e a serie B) e seis femininos; en infantís os seis equipos masculinos e tres femininos repartiranse en tres campionatos de tres equipos.
Este é o segundo gran evento da tempada que organiza o Seis do Nadal, que en outubro puxo en marcha a Liga Linco (intercolexial). En maio espera un novo reto para o multipremiado club vigués: a décima edición do torneo de minibasket, con 32 equipos competindo. O Seis do Nadal de baloncesto foi declarado por VIDE como mellor club siareiro base da tempada 2008/2009.
Información torneo I (153.12 kB)
Información torneo II (136.18 kB)
Información torneo III (150.31 kB)
Información torneo IV (145.09 kB)