Manel Fernández sela a continuidade de Pizza Móvil con VIDE

vide_pizzamovilO presidente da Fundación Vigo en Deporte e concelleiro de Deportes, Manel Fernández, e o Director de Marketing de Pizza Móvil, Jorge Pallarés, asinaron a semana pasada a continuidade da empresa patrocinadora con VIDE. Seguindo a colaboración que prestou ao Programa Siareiros, ofrecendo un desconto do 50% coa presentación do carné, agora volve apoiar outro programa da Fundación.

Esta vez é o Campus Polideportivo que celebrará a súa décimo quinta edición do 23 ao 27 de xuño.

Manel Fernández expresou o seu agradecemento a Jorge Pallarés polo seu apoio ao deporte da nosa cidade a través da súa colaboración con VIDE.