O Pilotes Posada acadou ante o Antequera un máximo en canto á achega da súa parella de goleadores. Dos 25 goles anotados polos “rojillos”, 15 foron obra dos dous mellores canóns da Liga Asobal, o catalán Masachs (10) e o montenegrino Rudovic (5).

Fronte ao conxunto malagueño, a dependencia viguesa foi extrema, un 60%, un exceso que contrasta coa realidade, que é algo máis moderada. O dúo Masachs-Rudovic achega logo de 23 xornadas un 46,4% dos goles galegos.

Na localidade andaluza, o poderío de ambos foi esaxerado, máxime cando a media goleadora do Pilotes este ano é de 27 tantos por partido. A pesar da derrota, Masachs consolidou a súa primeira posición na táboa de forma incrible, mentres que Rudovic empolicouse á segunda praza. No Top Ten do campionato non só a académica é unha parella resolutiva; Granollers e San Antonio tamén teñen as súas. 

Nome	Equipo	Posición	Goles (PX)	Media	País
1. Josep Masachs	Pilotes Posada	Extr. Dereito	155 (23)	6,73	España
2. Novica Rudovic	Pilotes Posada	Lat. esquerdo	133 (23)	5,78	Montenegro
3. Aleksandar Svitlica	Fraikin Granollers	Extr. Dereito	130 (23)	5,65	Serbia
4. Cristian Malmagro	San Antonio	Lat. Dereito	125 (21)	5,95	España
5. Carlos Ruesga	San Antonio	Central	122 (23)	5,30	España
6. Dalibor Cutura	Arrate	Central	121 (23)	5,26	Serbia
7. Jorge Luis Paván	Cuenca 2016	Lat. dereito	117 (23)	5,08	Cuba
8. Rafael Baena	Antequera	Pivote	116 (23)	5,04	España
9. Davor Cutura	Fraikin Granollers	Lat. esquerdo	114 (23)	4,95	Serbia
10. Borut Oslak	Frigoríficos	Central	113 (22)	5,13	Eslovenia