O equipo Infantil Masculino "A", Seis do Nadal "A", do Club Baloncesto Seis do Nadal - Coia, adestrado e dirixido por Carlos Rodríguez, participou o pasado sábado 25 de setembro do 2010 na I Mini Copa Galicia - Caixa Galicia en Lalín, partido que precediu á final da Copa Galicia Sénior Masculina.
Os equipos infantís masculinos do Club Baloncesto Seis do Nadal e do Cidade de Lugo, en virtude da súa clasifiación como subcampión e campión da Liga FGB da pasada tempada respectivamente, ofreceron un atractivo partido no que acabou impoñéndose o equipo vigués por un tanteo de 16-60.
Este encontro disputado polo Infantil Masculino "A", súmase aos partidos e torneos de preparación xogados polo conxuto de cara ao Torneo de Apertura da Liga FGB Infantil Masculina que dará comezo a próxim
a fin de semana do 2 e 3 de outubro do 2010. O Seis do Nadal "A" enfrontarase o sábado día 2 ao B.C.A. en A Coruña na primeira xornada da competición.
Os xogadores e corpo técnico do equipo Seis do Nadal "A" recibiron o seu trofeo como campións da I Mini Copa Galicia Caixa Galicia das mans de Fernando Filgueiras, Director da Imaxe Corporativa de Caixa Galicia. Ademais o equipo do Seis do Nadal compartiu a entrega de trofeos cos xogadores dos equipos sénior que disputaron a final da Copa Galicia Sénior Masculina: Obradoiro CAB e Aguas de Sousas Ourense, que accederon encantados a retratarse cos máis novos.
Como broche final desta xornada tódolos nosos xogadores presenciaron á final da Copa Galicia Sénior Masculina. O trunfo, pelexado por ambos equipos, decantouse a favor do Obradoiro C.A.B. que foi máis equipo e saíron a cancha, desde o primeiro minuto, moi afinados en defensa e moi acertados en ataque. Nesta liña, e sempre por enriba no marcador, o equipo santiagués acabou impoñendo o seu criterio ante o Agua de Sousas Ourense para facerse coa primeira Copa Galicia da súa historia (72-61).