O Turismo de Vigo comezará a liga o 16 de outubro

Na próxima tempada o equipo feminino do C.V. Xuvenil de Teis Turismo de Vigo participará na liga FEV da Real Federación Española de Voleibol compartindo grupo cos seguintes equipos: C.V. Zalaeta (A Coruña), C.V. Marineda (A Coruña), RGC Covadonga (Asturias), C.D. Iruña Voley (Pamplona), CAEP Soria (Soria), Algaida Voleibol (Mallorca), C.U.V. Alcorcón (Madrid) e C.V. Leganés (Madrid).

O grupo está composto por 9 equipos aínda que se aparecese un club que queira participar na categoría se formaría un grupo de 10 equipos.

A liga comezará o 16 de outubro de 2010 e finalizará o 12 de marzo de 2011. O sorteo do calendario realizarase o día 19 de xullo.

Por outra parte a Real Federación Española de Voleibol eliminou a Fase Final de forma excepcional, tendo en conta a difícil situación económica dos clubs na actualidade, posto que na pasada tempada supuxo para os clubs un gasto superior ao da liga regular.