O programa Siareiros Elite 2010/2011 estará formado por alomenos once clubs, tras a baixa do Cidade de Vigo Básquet, entidade que non se inscribiu nas categorías da FEB, e o ascenso a Primeira Estatal de dous equipos de balonmán masculino, o Seis do Nadal-Coia e o U.B. Lavadores.

Precisamente estes dous ascensos e a desaparición do antigo Gestibérica colocan ao balonmán como o deporte máis representado ao contar con tres clubs, Pilotes Posada, Seis do Nadal-Coia e Lavadores, fronte aos dous do baloncesto (Bosco e Amfiv) ou os do voleibol (C.V. Vigo e Xuvenil de Teis).

A lista de clubs de elite complétase co El Olivo (fútbol), Coruxo (fútbol sala), Halcones de Vigo (béisbol) e Universidade de Vigo (rugby). O Vigo Stick, que descendeu da Primeira División a categoría autonómica, aínda ten que confirmar se recupera a súa praza (como lle ocorreu ao Xuvenil, por exemplo) ou non.

O baloncesto é a única modalidade con todos os seus equipos Elite na máxima categoría (Celta Indepo, na Liga Feminina, e Aldasa Amfiv na División de Honra de baloncesto en cadeira de rodas). O outro club vigués na máxima competición é o C.V. Vigo (Superliga masculina de voleibol).