Gran xornada de sábado no Central das Travesas para a ximnasia rítmica. O alcalde de Vigo, Abel Caballero, acompañado do presidente de VIDE e concelleiro de Deportes, Manel Fernández, entregaron as medallas ás participantes (ata nove clubs de toda Galicia) nesta segunda fase do Campionato de Galicia de conxuntos.
O Maniotas clasificou a tres dos seus catro conxuntos para o Campionato de España, en decembro en Valladolid.
Con moita animación nos dous laterais da bancada do palco, Caballero e Fernández aplaudiron a pais e nais a seguir apoiando esta modalidade deportiva e o alcalde dixo ás rapazas que "agora, ide a polo Campionato de España porque sodes as mellores".
O alcalde e o presidente de VIDE estiveron acompañados polo concelleiro de Fomento, David Regades.