Nunha fin de semana perfecta, o xogador vigués Jacobo Fernández, con tan só 11 anos, alzouse cos dous títulos do Máster Nacional Novos 8* de Bádminton, na categoría sub-13, que disputaba na localidade navarra de Estella.

Jacobo chegaba ao primeiro Máster da tempada de bádminton coa responsabilidade de defender os seus números 1 nos Ranking Nacionais de Individual e de Dobres da categoría sub-13.

Na competición de Dobres defendendo as cores do Club do Mar San Amaro, xunto ao seu compañeiro Carlos Fdez., afrontaban un duro sorteo para a fase de grupos, fronte aos representantes madrileños e valencianos números 4 e 5 do ranking de dobres. Jacobo e Carlos raiaron a gran nivel e solucionaron os seus encontros por vitorias nesta primeira fase. Xa na loita polas medallas, en semifinais derrotaron os asturianos Murciano / Álvarez (cabezas de serie 3) por 21-10 / 21-18 e na gran final, en duro e competido partido, de novo aos xemelgos valencianos Carlos e Natxo Cervelló, por 21-15 / 16-21 / 21-7.

En a competición Individual, no grupo 1, Jacobo venceu ao local Vovchenco por 21-10 / 21-12 e ao madrileño Castro por 21-4 / 21-7. Xa dentro do cadro eliminatorio, derrotaba sucesivamente na Juan Fdez (Lardero - Rioja), Martín Zuazola (P. Vasco), para afrontar as semifinais fronte a o cabeza de serie 4, o valenciano Natxo Cervelló. Nun partido moi serio e tras un igualado primeiro set, Jacobo obtiña o billete para a gran final derrotándoo por 21-18 / 21-6.

Na final, televisada en directo pola televisión local de Estella, esperáballe o seu compañeiro de dobres, e do club Santo Amaro Carlos Fdez Amaro, Carlos Fdez. (cabeza de serie 3). No partido individual máis competido da fin de semana, Jacobo, despregando un xogo variado, de gran calidade e de grande desgaste físico, alzábase co triunfo por 21-15 e 21-19, referendando unha fin de semana perfecta e saíndo de la localidade Navarra cos dous títulos en xogo e reafirmando o seu número 1 do Ranking Nacional.

Manel Fernández, como máximo responsable do Deporte vigués, mostrouse satisfeito con este novo triunfo do novo deportista, que confirma a súa traxectoria ascendente.