Manel Fernández visitou as obras de mellora do campo de As Relfas coas directivas do Sárdoma e do Moledo

campo manelO presidente de VIDE e concelleiro de Deportes, Manel Fernández, realizou hoxe a primeira das visitas aos campos de fútbol municipais onde o seu departamento está a realizar obras de mellora e mantemento dende este luns.

O edil reuniuse no campo de As Relfas, en Sárdoma, con representantes dos dous clubs usuarios desta instalación, o Sárdoma e o Moledo. Os dirixentes deportivos fixérono chegar diversas peticións e novas ideas, no transcurso da visita.

O responsable do deporte local, incidiu sobre outro dos programas municipais estrela desta tempada, o plan de emprego, recordando aos clubs que é unha vía importante para novos recursos e que beneficia directamente a adestradores e monitores, tomando boa nota as dúas directivas.

O encontro prolongouse por espazo dunha hora e o concelleiro espera que as obras estean concluídas nos prazos establecidos. A empresa adxudicataria xa mellorou o peche perimetral e está a traballar no mantemento do campo.

Esta é a primeira das visitas en función do plan de obras marcado.