O club que preside Javier Rodríguez é o equipo máis requirido no programa de colexios “Aprende dos que máis saben”. Antes de Nadal visitou dous centros de ensino, o colexio Alba e o Possumus, historicamente moi relacionados co balonmán, e a vindeira semana ten dobre sesión de visitas: o colexio O Sello, en Cabral, o martes ás 12.30 horas e o xoves o CEIP Fleming (12:30).

Nas visitas, o Pilotes está representado polo seu primeiro adestrador, Quique Domínguez, e un grupo de membros do plantel. Ademais dalgún vídeo promocional sobre balonmán, técnico e xogadores adestran cos nenos e nenas traballo de fundamento en sesións moi divertidas.