O alcalde de Vigo, Abel Caballero, anunciou en rolda de prensa a edición 2021 da Vigo Cup, o torneo internacional de fútbol sala, fútbol 7 e fútbol 11 que este ano se vai disputar do 28 de xuño ao 11 de xullo, coa primeira semana para o fútbol sala (28 de xuño ao 4 de xullo) e a segunda para o fútbol 7 e fútbol 11 (5 ao 11 de xullo).
O rexedor explicou que co avance da nova normalidade grazas á vacinación, a Fundación VIDE, que organiza a competición por encargo do Concello, abre a inscrición a custo cero, é dicir: tódolos equipos xogarán de balde.
“Retomamos os dous grandes torneos deportivos coa nova normalidade”, manifestou Caballero. A cuarta Vigo Cup de fútbol sala e a vixésima Vigo Cup de fútbol 7 e fútbol 11 están programadas “con tódolos protocolos anti Covid-19”, afirmou. O torneo está reservado para nenos e nenas con licencia federativa da RFGF.
O evento, enfocado aos equipos e clubs de Vigo e da súa área de influencia, ten prazo máximo de inscrición por correo electrónico (
Vigo en Deporte conta para estas dúas semanas de competición co apoio de Gadis, Grupo Recalvi, Vitrasa, Grupo CdeC, Naviera Mar de Ons, Frutas Nieves, New Balance, Coca-Cola, Viaxes Zonda, Hyundai Hyupersa Vigo, Altia e Faro de Vigo como patrocinadores.
pdf Información - Vigo Cup futsal 2021 (1.98 MB)
pdf Solicitude de inscrición - Vigo Cup futsal 2021 (3.87 MB)
pdf Inscrición xogadores - Vigo Cup futsal 2021 (2.67 MB)
pdf
Información - Vigo Cup fútbol 2021
(3.30 MB)
folder