A atleta viguesa Carmela Cardama Báez, do Comesaña S.C., gañou o pasado sábado a súa terceira medalla de ouro nos últimos 15 días nos Campionatos de España júnior en campo a través, en 3.000 m. en pista cuberta e a última o sábado en L 'Alfás del Pi (Alicante) en 5.000 ao aire libre.

Carmela é unha moza de 17 anos que practica o deporte máis básico de todos, que á vez realmente serve de base aos demais deportes, o atletismo. Ela é especialista nas carreiras de fondo dentro da súa categoría. Esta deportista veciña de Coruxo, ten licenza polo club máis antigo do atletismo en Galicia, o Comesaña Sporting Club (1915).

Manel Fernández, presidente de VIDE e concelleiro de Deportes do Concello de Vigo, felicitou á nova atleta polos seus éxitos conseguidos.