A Federación Galega de Taekwondo celebrou o sábado en Vigo a gala de entrega dos premios 2009, na que se recordaron os importantes éxitos do taekwondo galego no ano recén rematado, con Raúl Bouzas e Fani Hernández como grandes protagonistas.

Houbo premios para todos e todas a pesar da tormenta perfecta, que non impediu que case duascentas persoas acudiran ao auditorio do Centro Social Caixanova para aplaudir as seleccións galegas que se proclamaron campioas de España nas diferentes categorías e modalidades, ás e aos deportistas que luciron a nivel internacional, aos clubs que traballan diariamente polo taekwondo, aos técnicos e xuíces, medios de comunicación, institucións, entidades privadas... Todas e todos eles tiveron o seu protagonismo polo que aportaron ao taekwondo galego nun ano espectacular en canto a resultados deportivos e tamén moi importante a nivel organizativo xa que en Galiza se celebraron tres campionatos de España e un de Europa.

No transcurso da gala houbo momentos de risas, grazas á actuación do humorista Pepo Suevos, e tamén emotivos, como cando Alejandro Vidal, o primeiro taekwondista galego paralímpico e actual subcampión do mundo recolleu unha mención especial, ou cando ao final da gala a presidenta Mercé Barrientos foi homenaxeada pola familia do taekwondo galego e todos os presentes no auditorio puxéronse en pe para ovacionar á directiva.

 

Categoría	Premiado
Mellor club da provincia de Pontevedra	TAO DE VIGO
Mellor club da provincia de Lugo	NEKA DE MONFORTE
Mellor club da provincia de Ourense	COUTO DE OURENSE
Mellor club da provincia da Coruña	NATURAL DE SADA
Mellor club de base	GARRAPUCHO DA CORUÑA
Club máis colaborador	MACE SPORT DE PONTEVEDRA
Mellor club de Galicia	NATURAL SPORT DE RIBEIRA
Mellor deportista masculino de técnica	DAVID MEILÁN
Mellor deportista femenina de técnica	NEREA ALAMANCOS
Mellor deportista masculino de combate	RAÚL BOUZAS
Mellor deportista feminina de combate	ESTEFANÍA HERNÁNDEZ
Mellor deportista masculino promesa	ÓSCAR PEÓN
Mellor deportista feminina promesa	SÁNDRA BOUZAS
Mellor técnico deportivo	JOSÉ LOREN
Mellor xuíz puntuador de técnica	ESPERANZA MEILÁN
Mellor árbitro de combate	FRANCISCO AGRELO
Premio ao xogo limpo	FRANCISCO PENÍN
	JOSÉ RAMÓN LOUZAO
Medio de comunicación audiovisual	TVG
Medio de comunicación escrito	LA VOZ DE GALICIA
Entidade privada	PESCANOVA
	CAIXANOVA
Entidade pública	FUNDACIÓN DEPORTE GALEGO
Concello	CONCELLO DE VIGO
Deputación	DEPUTACIÓN DE OURENSE