O Celta Selmark clasificouse onte para a fase final da Copa Galicia tras derrotar ao Pavillón Ourense por 69 a 50. Tras un mal primeiro cuarto, o equipo dirixido por Carlos Colinas reaccionou no segundo e sentenciou o encontro, xogado no Pavillón de Navia, e que serviu para presentarse ante a súa afección. O venres xogarán en Lugo ante o Durán Maquinaria Ensino, con ambos os dous clubs xa clasificados.